Минзәлә районында уракның яртысы төгәлләнде

Район буенча арыш, борчак, солы суктыру төгәлләнде, иртәгә көзге бодай суктыруны төгәлләячәкләр.  “Калморза”хуҗалыгы районда иң беренчеләрдән булып сабан бодаен урып-җыюга кереште һәм ике көндә 710 гектардагы игеннәрне суктырып алды. Биредә сабан бодаеның һәр гектардан уртача уңышы 25,2 центнер тәшкил итә.   

Районда бөртеклеләрдән иң югары уңыш алу буенча “Калморза”  хуҗалыгы алда бара, аларда гектар күәте 24,8 центнер.  Игеннәре җыеп алынган басулардан салам хәзерләү дәвам итә, барлыгы 2268 тонна салам төргәкләргә төрелгән һәм хуҗалыклар саламны ферма яннарына алып кайтып өяләр.