Минзәлә районында җыеннар башлана

Бу җыеннарда халык үзләрен борчыган сорауларны район җитәкчелегенә җиткерә алачак, проблемаларны да уртага салып сөйләячәк.

Җыеннарда халык хезмәт күрсәтүче оешмалар белгечләренә дә үз сорауларын бирә алалар.

Очрашуларда район үзәк хастаханәсе , полиция участок уполномоченные, социаль яклау, җир һәм милек мөнәсәбәтләре палатасы, электр белән тәүмин итү хезмәте, газ хезмәте, техник бюро инвентаризациясе, социаль иминиятләштерү фонды һәм Пенсия фонды хезмәткәрләре дә катнашуы көтелә. 

“Татмедиа” АҖнең Минзәлә информ филиалы әлеге җыеннарда күтәргән проблемалар, алдагы елда бирелгән сорауларның үтәлеше хакында язып барачак.

Фотода 2019 елның Хуҗәмәт авылындагы гражданнар җыены