Минзәләдә бәйрәм чаралары дәвам итә

(Дилфас Галиев, "Мензеля-информ"). Урамнарны, йортларнытөрле утлар белән бизәү, әкияти сыннар тудыру эшләре оештырылган төстә барды. Гомумән, шәһәребез урамнары Яңа елга сихри бер дөньяга әверелеп, аның һәр урамы олысын-кечесен үзенә тартып һәм чакырып торды. Бәйрәм чарасы шәһәрнең төрле почмакларында, паркларда оештырылды.
Яңа елдан соң да балалар өчен төрле чаралар оештыру дәвам итә. Әле менә 4нче гыйнварь көнне шәһәрнең Муса Җәлил исемендге паркында “Ялкын” яшьләр үзәге балалар өчен тамаша оештырды.Алар балаларны Яңа ел белән ихлас котлады. Шушындый ук чара шәһрнең Садак бистәсендә бүген дә уздырыла. Мондый бәйрәм балаларга бик ошады. Балалар, кунаклар саф һавада күңел ачып, төрле уеннарда катнаштылар.