Минзәләдә Яңа ел ярминкәсе бәяләрен тәгаенләделәр

Алдан хәбәр иткәнебезчә, 23 декабрь көнне Минзәлә шәһәренең Октябрь мәйданында Яңа ел бәйрәменә багышланган ярминкә узачак.

Ярминкәдә бәяләр Татарстан Республикасы авыл хуҗалыгы һәм азык-төлек министрлыгы тәкъдим иткән суммада булачак.

Кош ите килосы-110, күркә ите-220, сыер ите-280-320, дуңгыз ите-250, сарык ите-300-320 сум, тавык йомыркасы(дистәсе) 45-55 сум, яңа савылган сөтнең литры-30 сум, каты сыр-330, атланмай-330, шикәр комы-35, югары сортлы он-19, карабодай ярмасы-30, бәрәңге-12, кишер-12, аш чөгендере-10, суган-15, кәбестә-7, бодай-7, арпа-6, арыш-5, солы-7 һәм балыкның килосы 180 сумнан артык булмаячак.

Ярминкәдә катнашучыларны Кыш Бабай белән Кар Кызы котлаячак, шулай ук фольклор ансамбльләрнең чыгышлары да көтелә.