Районыбызда кырларны эшкәртүне мониторинглау системасы эшли

(Дилфас Галиев, "Минзәлә-информ")

Районыбыз хуҗалыкларында барысы 20 сиптергечкә махсус датчиклар куелган. Сиптергечләрне мониторинглау сервисы уңдырышлылыкны күтәрү һәм басуларның сиптергечләр белән ничә мәртәбә эшкәртелүен контрольдә тоту өчен булдырылган. Системага тоташкан хуҗалыклар минераль ашлама алганда дәүләт ярдәмен югары коэффицент белән алачак. Ягъни бер центнерга 30 килограмм ашламаны арттырып бирәчәкләр. Сервис “Агрополия” проекты кысаларында эшли. Технология геомәгълүмат системасына бәйле, анда белгечләр кыр паспортларын алып баралар һәм нинди культура чәчелгән, ул ничек эшкәртелергә тиешлеген күрсәтәләр, шулай ук ГЛОНАСС системасына бәйле, аның буенча басуның сиптергеч белән эшкәртелгәнме-юкмы икәнен тикшереп торачаклар.