Уку елын премия алып башладылар

(Дилфас Галиев, “Минзәлә-информ”)

Белем бәйрәмен авыл хуҗалыгы техникумы директоры Эльвира Фаттахова ачып җибәрде. Радик Корнилов җәйге каникул чорында 5 студент егеткә “Татавтодор” АҖ  нең Минзәлә филиалында хезмәт өчен әлеге оешма җитәкчелеге исеменнән рәхмәтен белдерде.  Аларның һәрберсенә  5шәр мең сум күләмендә премия тапшырды.Шулай ук каникул чорында “Калморза” хуҗалыгында эшләгән Анастасья Новиковага да Эльвира Фаттахова хуҗалык исеменнән Рәхмәт хаты һәм акчалата бүләк тапшырды. 

Быелгы уку елына автомеханик, экономист-бухгалтер, ветеринария, электрик, пешекче һәм кондитер һөнәрләрен үзләштерү өченавыл хуҗалыгы техникумына 117 студент килде.  Килгән студентларның 63 е- Минзәлә районынынан,   Мөслимнән-5, Тукай районы авылларыннан-20, Башкортостаннан-5, калганнары Актаныш һәм Әлмәт районнарыннан.