Югары Тәкермән мәктәбенә бер миллион сумлык компьютер классы кайтты

(Дилфас Галиев, "Минзәлә-информ")

Бу мәктәпне “Инсаф” ҖЧҖ  15 миллион сумга ремонтлады. Капиталь ремонттан соң мәктәпне ачу тантанасында Татарстан Республикасының 6нчы чакырылыш депутаты Азат Хамаев тә катнашты.

Флүрә Гәрәева (Югары Тәкермән гомумбелем бирү мәктәбе директоры):

-Ачу тантанасында Азат Хамаев мәктәпкә компьютер классы бүләк итәргә вәгъдә биргән иде һәм вәгъдәсен ике ай дигәндә үтәде дә. Узган атнада бер миллион сумлык компьютер классы кайтты. Шушы араларда компьютер классын җиһазлап бетерәчәкбез.