Югары Тәкермәндә Бөек Ватан сугышы ветеранын тәбрикләделәр

(Дилфас Галиев, “Минзәлә-информ”)

Югары Тәкермән авыл җирлеге дә “Яңа ел белән, ветеран!” акциясен башлап җибәрде.

Җирлек башлыгы Алия Шәрипова әлеге акция кысаларында Бөек Ватан сугышы ветераны Вазих Галимҗанов белән очрашты. 

  Югары Тәкермән авыл җирлеге башлыгы Алия Шәрипова Бөек Ватан сугышы ветераны Вазих Галимҗан улы Галимҗановны тәбрикләде.

Ул сугыш ветеранының өенә барып, яңа-2022 ел белән котлады, ветеранның хәлен белеште. Кыш бабай әзерләгән күчтәнәчләрне   тапшырды, ныклы сәламәтлек, көр күңелле булып, якыннары янында тыныч гомер итүен теләде.

 Ә Вазих Галимҗан улы үз чиратында мондый игътибары өчен олы рәхмәтен җиткерде.