Кыр эшләре көндәлеге 7 сентябрьгә

7 сентябрьгә алынган мәгълүматлардан күренгәнчә барлыгы 17600 гектарда көзге культуралар чәчелгән, бу планлаштырылганның 87 проценты дигән сүз. Игенчеләребезнең 3800 гектар мәйданда бөртеклеләрне суктырып аласы калды, алар урак башыннан барлыгы 101500 тонна икмәк суктырып алдылар. Район буенча бер баш шартлы терлеккә 20,6 центнер күләмендә азык берәмлеге тупланган, 11000 тонна салам хәзерләнгән. Туфрак эшкәртү дәвам итә, бу эш 25800 мең гектарда башкарылды, шуның 2900 гектары тирәнтен эшкәртелгән."Дәүләтов" КФХ сы бәрәңгене алып сәүдә челтәрләренә озата башлады, бу хуҗалык барлыгы 40 гектар мәйданда бәрәңгене казып алды, әлегә бер гектардан уртача 280 центнер бәрәңге чыга.