“Балачак” балалар бакчасы филиалы 8 кило батарейка җыйды

(3 нче санлы балалар бакчасы тәрбиячеләре Индира Исхакова, Зинаида Исакаева, Минзәлә шәһәре)

Көндәлек тормышта кулланылган чуп-чар, бигрәк тә батарейкалар табигатькә бик зур зыян сала. Ә моны балаларга кече яшьтән аңлату бик мөһим. Без балалар белән төрле чаралар үткәрдек, аңлату эшләре алып бардык. Ә төп ярдәмчеләребез әти-әниләр булды. Безнең балалар кечкенәләр төркеме булуга карамастан бик актив булдылар. Кыска гына вакыт эчендә без 8 кило батарейка җыйдык. Балалар аларны алып килеп, махсус контейнерларга сала бардылар. Табигатькә сак караш тәрбияләүдә һәм бакча тормышында уздырылган чараларда актив катнашкан ата-аналарга зур рәхмәтебезне белдерәбез.