Гимназиянең ”Сәяр” театраль төркеме “Милли мультfest” Республика балалар кинофестивалендә 3 нче урынны алды

(Дифиза Нуриева, “Мензеля-информ”)

 Шорт-листка кергән 17 кыскаметражлы фильмнар арасында әлеге атлар турындагы фильм 3 нче урынга лаек булды. Премия тапшыру тантанасы   Г.Тукай исемендәге Татар Дәүләт Филармониясендә узды.

–Киного сценарийны үзем яздым. Кечкенәдән үк атлар яраткач, ат өстендә үскәч, сценарийны да шул темага язарга булдым. Фильмда рольләрне балалар һәм артистлар башкарды. Монда без татар халкының гореф-гадәтләрен, милли бизәкләрен чагылдырырга тырыштык. Фильмны төшерүдә бик күп көч куелды. Балалар үз-үзләрен күрсәтә алды, прпофессиональ дәрәҗәдә оста уйнадылар һәм әлеге премияне лаеклы рәвештә алдык дип  әйтә алам. Music Art Studio берлектә бик дус һәм бердәм булып эшләдек. Район финанс яктан ярдәм итте, –  диде группа җитәкчесе Ленар Миңнемуллин.

Фильм төшерү хакындагы тулырак материалны газетаның алдагы саннарында Ленар Миңнемуллин белән булган әңгәмәдән укый аласыз.