Минзәлә чаңгычылары Чулман марафонында җиңүчеләр рәтенә керде

Яр Чаллы шәһәрендә 23 Кама марафоны узды. Минзәлә районы исеменнән «Олимп» спорт мәктәбе тәрбияләнүчеләре чыгыш ясады.

Ярышлар нәтиҗәләре буенча 30 км дистанциядә Евгений Кайнарь 2 нче урынны, Ильмир Шакуров 3 нче урынны алды (фотода).

5 км дистанциядә: Алена Малышева — 3 урын, Никита Щеголев — 4 урын, Анастасия Калинина — 6 урын, Шамил Хәмәтдинов — 19 урын, Илфат Гыйләҗетдинов — 32 урын.

Шулай ук 50 км дистанциядә Айнур Ханнанов 21 нче урынны алды.

— Бу дистанцияне үтү инде үзе бер җиңү!, — дип билгеләп үтте «Олимп» спорт мәктәбе тренеры Антон Лаврентьев.