Минзәлә студентлары көрәш буенча республика турнирында призлы урыннар яуладылар

Сарман авылында 2003-2005 елларда туган, 2006 елда туган һәм аннан яшьрәк егетләр арасында көрәш буенча республика турниры узды.

Ярышларда җиңүчеләр арасында Минзәлә педагогия көллияте студенты Рузил Мокимов һәм Минзәлә авыл хуҗалыгы техникумы студенты Кирилл Толстов та бар. Рузил 2006 елда туган һәм аннан яшьрәк катнашучылар арасында 70 килограммга кадәр авырлык категориясендә 1 урын яулады. Ә Кирилл — 2003-2005 елларда туган катнашучылар арасында шул ук үлчәү категориясендә 3 урын.

Ике спортчы да Рәмзил Бәдриев кул астында "Минзәлә батыры"көрәш залында шөгыльләнәләр