Минзәлә
  • Рус Тат
  • Ни өчен мин журналист һөнәрен сайладым?

    Соңгы арада мин һәрвакыт үземнең киләчәгем турында уйлыйм: кая укырга барырга, нинди һөнәр сайларга?

    (Минзәлә, Айзилә Муллахмәтова) Нинди генә һөнәрне алсаң да, һәрберсе үзенчә катлаулы, җаваплы һәм хөрмәтле. Эшнең ояты юк. Күмәч пешерүчеме, көтүчеме, төзүчеме, табиб яки укытучымы - барысы да яхшы. Шуңа күрә, кече яшьтән үк дөрес һөнәрне, үзеңә ошаган һөнәрне сайлап алу - бик җаваплы адым. Иртәгә нәрсә эшлисен белмәгән кеше - иң бәхетсез кеше....

    Минем булачак һөнәрем- журналист. Минемчә, журналист - бик күпкырлы һөнәр. Ул тырыш хезмәт һәм иҗади сәләт таләп итә. Минемчә, бу эш минем бурычым. Ләкин яхшы журналист булу өчен гомер буе укырга кирәк. Әлегә мин — укучы. Минемчә, әдәбият дәресләрендә, төрле әсәрләр аркылы, сүз байлыгын арттырып, фикерләргә өйрәнү, тиз арада булган вакыйганы материалга әйләндерү  журналистиканың нигезе булып тора.

    Ни өчен мин журналист һөнәрен сайладым? Мин үземдә ниндидер көч барлыгын, ягъни әлеге һөнәрне уңышлы үзләштерүгә тумыштан килгән сәләт барлыгын сизәм. Ышанам, бу өлкәдә уңышка ирешермен дип. Мин иншалар, хикәяләр, шигырьләр, мәкаләләр язарга яратам. Миңа хәтта миндә язучылык сәләте бар дип тә әйттеләр.

    Әлбәттә, миңа әле күп нәрсәгә өйрәнергә туры киләчәк. Ләкин бу максат белән мин югары уку йортына керергә телим, анда булачак журналистларны объектив һәм бай мәгълүмат белән таныштырырга өйрәтәләр. Мина калса  теләсә кайсы эштә иң мөһиме - теләк, дип саныйм.

    Булачак һөнәргә килгәндә, ошаганны сайларга кирәк. Шул вакытта булачак эш тә күңелгә хуш килер һәм, ахыр чиктә, тормыш белән канәгатьләнү югары дәрәҗәсенә җитәр.

    Шулай итеп, миңа киләчәктә кем булу турында озак уйларга туры килмәде. Минем яраткан һөнәрем - журналист, бу минем сайлавымны тәэмин итте дә. Әлегә мин тугызынчы сыйныфта гына укысам да, максатыма кечкенә адымнар белән атлый башладым. Һәр булган чарага карата үз фикеремне җиткерергә, язмалар язарга тырышам. Шулай ук мин айга бер тапкыр нәшер ителә торган гимназия газетасының редколлегия әгъзасы булып та торам. Бу, әлбәттә, иҗади юлымда кечкенә генә адымнар булса да, алар миңа тәҗрибә тупларга ярдәм итәр, дип уйлыйм.

    Безнең өстәмә

    Минзәлә шәһәре гимназиясендә белем алучы Айзилә Муллахмәтова быел Татарстанда XXV балалар, үсмерләр, яшьләр өчен тәгаенләнгән «Алтын каләм — Золотое перо» матбугат фестивалендә катнаша.

     

    Иҗади ярышта 10 яшьтән 20 гә кадәр булган яшь журналистлар көчләрен сынап карый ала.

    Төп приз — журналист һөнәре алу өчен уку йортына ышанычлы юллама.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: