Минзәләдәге балалар поликлиникасы

Тасвирлама:
Минзәлә үзәк район хастаханәсенең балалар поликлиникасы бүлеге бинасы 2021 елда «Сәламәтлек саклау» милли проекты кысаларында «Сәламәтлек саклауның беренчел звеносын модернизацияләү»программасы буенча төзелде.
Эш вакыты:
Дүш-шимб 08:00–17:00
Төшке аш тәнәфесе:
12:00–13:00
Телефон:
- 8(85555) 3-12-51
Адресы:
423700 ТР, Минзәлә шәһәре, Гурьянов урамы, 98/б

Элек балалар консультациясе стационарның төп бинасының беренче катында балалар өчен җайлаштырылган бүлмәдә урнашкан иде. Реконструкциядән соң - бу инде аерым, яңа, ике катлы, үзәк хастаханә белән тоташкан заманча бина. Әлеге медицина учреждениесе УЗИ аппараты, күп каналлы электрокардиограф, дәвалау-диагностика, физиотерапия һәм башка заманча дәвалау-диагностика җайланмалары белән җиһазландырылган. Шунда ук сөт кухнясы урнашкан. Әлеге медицина учреждениесендә 5237 балага һәм яшүсмергә хезмәт күрсәтелә, шуларның 1012 се — Минзәлә районы торак пунктларыннан. Балалар поликлиникасы бер сменада 60 кешене кабул итүгә исәпләнгән. Балаларга барлыгы 5 участок табиб-педиатры һәм 20 шәфкать туташы хезмәт күрсәтә.