Минзәлә районы турында

Минзәлә районында 19 авыл җирлегенә берләштерелгән 69 торак пункт һәм Минзәлә шәһәре бар.

Минзәлә шәһәре Татарстан Республикасында Минзәлә районының үзәге булып тора.

Бу шәһәр иң борынгы шәһәрләрнең берсе. Ул дүрт елга үзәнендә: Кама, Агыйдел, Ык һәм Минзәлә елгаларында урнашкан. Татарстан Республикасының көнчыгышында, Башкортстан һәм Удмуртия чикләренә якын, республика башкаласы Казаннан 290 чакрым ераклыкта һәм Яр Чаллы шәһәреннән көнбатышка таба 57 чакрым ераклыкта урнашкан.

12 гасырдан ук биредә көнчыгыш илләреннән көнбатышка таба атаклы сәүдә «Бөек ефәк юлы» үткән.

Сүз уңаеннан, Минзәлә районында неолит ахыры – энеолит чоры каберлекләрен казып чыгарганнар. Тарихны белмәүчеләр өчен аңлатып китәбез: бу – борынгы Мисыр пирамидаларыннан да борынгырак.

Минзәлә районы 1923,5 квадрат километр мәйданны били, бу бөтен республика территориясенең 2,8% ын тәшкил итә. Районда төрле типтагы җирләр бар: сөрү җирләре, урманнар, көтүлекләр һәм болыннар.

Район халкын 26 962 кеше тәшкил итә, шуларның якынча 16 713е Минзәлә шәһәрендә, калганнары авылда яши. Район халкы төрле милләтләрдән тора, шул исәптән татарлар, руслар, марилар, чуашлар һәм башкалар.

Районда мәктәпләр, балалар бакчасы, шулай ук урта махсус уку йортлары эшли. Шулай ук өстәмә белем бирү учреждениеләре һәм китапханәләр, музейлар, кинотеатр һәм башка мәдәни объектлар бар.

Районның икътисадый үсеше шулай ук җитештерү күрсәткечләрендә, эшсезлек дәрәҗәсендә һәм уртача хезмәт хакында чагыла.

Тулаем алганда, Минзәлә районы Татарстан Республикасында алга киткән һәм күпмилләтле төбәк булып тора.

Минзәлә районы гербы

Герб 1782 елның 3 июлендә югарыда расланган Мезелинск өяз шәһәренең тарихи гербына нигезләнгән, аның тасвирламасы болай дип язылган: «Калканның өске өлешендә – Уфа гербы. Аскы өлешендә– зәңгәр кырда очып йөрүче алтын кречеть, андый кошлар–  муллыгы билгесе".

Хәзерге район гербы буыннар дәвамчанлыгын һәм тарихи традицияләрнең саклануын раслый.

Гербның мактаулы фигурасы – кызыл өслек – җирле халыкның иң яхшы сыйфатларын: хезмәт сөючәнлекне, көчне, батырлыкны символлаштыра. Ул район халкының ирешкән барлык уңышларының да аларның алтын куллары белән аерым ярату һәм хөрмәт белән башкарылуын күрсәтә.

Лазурь (зәңгәр төс) — намус, затлылык, рухилык, аяз күк символы.

Алтын– муллык, тотрыклылык, хөрмәт һәм интеллект символы.

Минзәлә районы флагы

Флаг киңлеге озынлыгына 2:3 нисбәтендә турыпочмаклы зәңгәр тукымадан гыйбарәт, аның өске кыры буйлап тукыманың 1/4ен кызыл тасма биләп тора, зәңгәр өлешнең уртасында район гербыннан очып баручы сары кречет сурәтләнгән.

Район флагы гербны исәпкә алып эшләнгән, ул 1782 елның 3 июлендә югарыда расланган (иске стиль буенча) Минзәлә өяз шәһәре тарихи гербына нигезләнгән, аның тасвирламасы болай дип язылган: “Калканның өске өлешендә Уфа гербы. Аскы өлешендә – зәңгәр кырда очып йөрүче алтын кречет, андый кошлар муллык билгесен аңлата”.

Хәзерге район флагы күп буыннарның дәвамчанлыгын һәм тарихи традицияләрнең саклануын раслый.

Флагның мактаулы фигурасы – өске кырый буйлап кызыл тасма җирле халыкның иң яхшы сыйфатларын — хезмәт сөючәнлекне, көчне, батырлыкны гәүдәләндерә. Ул район халкының ирешкән барлык уңышларының да аларның куллары белән аерым ярату һәм хөрмәт белән башкарылуын күрсәтә.

Зәңгәр төс – намус, затлылык, рухилык, аяз күк символы.

Сары төс (алтын) –  муллык, тотрыклылык, хөрмәт һәм интеллект символы.