Богодаровка авылына да юл проблемасы бетәчәк

(Минзәлә, Флүрә Мусина, “Минзәлә-информ”)

 Быел Яңа Маҗын җирлегендә зур өметләр белән Богодаровка авылына  каты өслекле юл төзелешен көтәләр.

Иван Колбин, Яңа Маҗын авыл җирлеге башлыгы:

–2019 елда Яңа Маҗынга каты өслекле юл салынгач авыл халкы рәхәтләнеп теләгән җиренә чыгып китә ала. Атнага ике тапкыр Яңа Маҗыннан, һәр җомгада Богодаровка авылыннан Минзәләгә автобус да йөри. Шулай ук ике автобус Николаевка авылына балалар илтә. Аның берсе мәктәп укучыларын, икенчесе балалар бакчасына йөрүче балаларны алып бара.

Авыл урамнарын үзара салым средстволарына төзекләндерәбез. Узган елны Яңа Маҗын авылында (Советская һәм Коммунистическая урамнарында) 377,5 мең сум,  Богодаровка авылында (Озерная урамында) 67 мең сум үзара салым средстволары юллар төзекләндерүгә юнәлтелде.