Кадрәк авыл җирлегендә Җиңү бәйрәме хөрмәтенә 3 авылда чәчәк салдылар

12 май 2022 - 13:26 Автор:

Ильшат Вагизов

Бәйрәм чаралары җирлек, мәктәп, мәдәният хезмәткәрләре һәм битараф булмаган авылдашлар, якташлар катнашында үткәрелделәр.

(Илшат Вагыйзов, “Минзәлә-информ”)

Бөек Җиңү уңаеннан бәйрәм чаралары Кадрәк авыл җирлегендә дә үткәрелде.

Хәлил Нәбиуллин, Кадрәк авылы җирлеге башлыгы:

- Башта Җәмәк авылында Бөек Ватан сугышында ятып калган якташлар истәлегенә урнаштырылган һәйкәл янында митинг үткәрелде. Аннан соң Кадрәктә “Авангард” ҖЧҖ спонсорлык ярдәме буларак үз хисабына “Хәсрәтле Ана” һәйкәлен капиталь төзекләндергән иде. Яңартылган һәйкәл безнең җирлектә яшәүчеләр өчен зур бүләк булды. Шулай ук Яңа Тәкермәндә дә һәйкәлгә чәчәкләр салынды.