Камаловлар гаиләсе Менделеевскийда узган шәҗәрә фестивалендә катнашты

5 апрель 2024 - 15:21 Автор:

Дифиза Нуриева

Бүген әлеге шәһәрдә «Эхо веков в истории семьи — Тарихта без эзлебез» республика шәҗәрә фестиваленең зона этабы узды.

(Дифиза Нуриева, «Минзәлә-информ»)
Фестивальдә тугыз: Әгерҗе, Актаныш, Алабуга, Зәй, Менделеевск, Минзәлә, Түбән Кама, Тукай, Яр Чаллы районнарыннан килгән гаиләләр үз нәселләре, гаилә традицияләре белән таныштырды.
Минзәлә районы данын исә лаеклы рәвештә Камаловлар нәселе шәҗәрәсе белән Рания Гыйльфанова һәм аның гаиләсе яклады, дипломга ия булды. Аларның сәхнәдәге чыгышын Татар Мөшегесе авылы үзешчәннәре концерт номерлары белән баетты.