Минзәләдә медицина хезмәткәрләре һөнәри бәйрәмнәрен билгеләп үтте

(Дифиза Нуриева, «Минзәлә-информ”)

19 июнь – Медицина хезмәкәрләре көне уңаеннан Минзәлә мәдәният сараенда бәйрәм чарасы узды. Әлеге чарага медицина тармагында эшләүчеләр һәм лаеклы ялдагы ветераннар, кунаклар килгән иде. Аларны Минзәлә районы башлыгы Айдар Салахов, район үзәк хастаханәсе баш табибы Наил Мөбаракшин, хастаханәнең беренчел профсоюз оешмасы рәисе Валентина Баева котлады.

Бик күп медицина хезмәткәрләре бүләкләнде. Аларга төрле дәрәҗәдәге мактау грамоталары, Рәхмәт хатлары тапшырылды.

Шулай ук мәдәният сарае иҗат коллективлары, якташыбыз Федор Кузнецов матур җырларын бүләк иттеләр.