Татарстан журналларының яңа саннары Минзәләгә кайтты

(Минзәлә, Илшат Вагыйзов, “Минзәлә-информ”)

 “Сәхнә” дә халкыбызның яраткан җырчысы Римма Ибраһимованың иҗади биографиясе басылып чыга. Легендар якташыбыз Гөлшат Зәйнашеваның үткән гасырның 80 елларында төшерелгән эксклюзив фотосын күрү дә күпләрнең күңеленә хуш килер. “Казан утлары”нда Нәбирә Гыйматдинова, Фирүзә Җамалетдинова, Тәлгат Галиуллин, Гәрәй Рәхим, Фәнил Гыйләҗев, Факил Сафин һ.б. танылган язучы-шагыйрьләр әсәрләре басыла.

Хокук саклаучы җинаятьчеләр, карт студентлар турында беләсегез, яисә кызыклы мәзәкләр-карикатуралар белән хушланасыгыз килсә, “Чаян” ның яңа июль санын алып укыгыз.

Әлеге  журналларның июль саннары районыбызда “Кырык тартма”, “Старт”, Калморза, Мәлкән, Наратлыкичү авылларындагы кибетләрдә, Татпотребсоюзның автолавкаларында сатыла.