Ул гомере буе күккә омтылды...

Ильшат Вагизов, 27 октябрь 2021 - 14:18

1016

Ас - тәҗрибәле пилот, беренче класслы очучы һәм изге күңелле кеше - эш буенча аралашкан һәм тормышта белгән һәркем балачактан ук пилот булырга хыялланган Александр Зыковны әнә шулай сыйфатлый.

(Илшат Вагыйзов, Минзәлә-информ)

- Ул көнне Александр, гадәттәгечә, иртән торып, эшкә китте. Ә 9.15 сәгатьтә миңа шалтыратып: «Хәлләр ничек?», «Саша кайда?» дип сорадылар, мин ул эштә, дип җавап бирдем. Ул чакта миңа берни дә әйтмәделәр. Ә аннары, бер сәгатьтән соң, яңалыклардан Минзәлә янында самолет төшүен хәбәр иттеләр.. - дип искә ала үз гомеренең иң кара көнен Таисия Григорьевна. Пилотлар – Александр Зыков һәм Михаил Беляев - соңгы секундка кадәр экипажны коткарып калырга – Л-410 самолетын утыртырга телиләр. Тик, кызганычка каршы, аларга моңа ирешергә насыйп булмады.