Аю авылының иң оста рәссамнары бөтенроссия конкурсында катнашачак

(Минзәлә, Илшат Вагыйзов, “Минзәлә-информ”) Аю авылы клубы Әниләр көненә багышлап рәсем конкурсы игълан итте.

- Эшләр 29 ноябрьга кадәр кабул ителә. Иң оста авылдашларыбызның рәсемнәре авылда да билгеләнеп үтәчәк, шуңа өстәп бөтенроссия “Мама, я тебя люблю” бөтероссия конкурсына җибәреләчәк, - дип хәбәр итә Аю авылы клубының директоры Роза Гыйлфанова.

“Мама, я тебя люблю” бөтенроссия балалар рәсем һәм кул эшләнмәләре конкурсы 18 ноябрьдән 1 декабрьга кадәр үткәрелә. Анда 3 яшьтән 17 яшькә кадәр балалар катнаша ала. Эшләр https://zayavka.s-ba.ru/mother адресы буенча кабул ителә.

Аю авылы клубында шулай ук әниләр көне уңаеннан “Могъҗизалар кыры” уены да үткәрү планлаштырыла.