Татарстанның халык артисты Рәшит Шамкай вафат

22 август 2021 - 12:25 Автор:

Дифиза Нуриева

Ул 1940 елның 26 маенда туган. Тамашачы аны җор телле юмор остасы буларак бик яхшы белә. Аның анекдотларын яратып яттан сөйли.

(Дифиза Нуриева, Минзәлә-информ)

Казан театр училищесын тәмамлаганнан соң, Камал театрына күчкәнче, Минзәлә татар драма театрында эшли.

Рәшит Шамкай хатыны Суфия ханым туган ягында - Арча районы Түбән Ора авылында җирләнәчәк.

Рәшит Шамкайның үлеме сәбәбе әлегә билгеле түгел. Соңгы вакытта биргән интервьюларында ул сәламәтлегенә зарланып, баш әйләнү, гипертония булу хакында хәбәр иткән була.

Якыннарының кайгысын уртаклашабыз!