2025 елда Татарстанда 100 километрдан артык федераль юл төзекләндерелгән

24 ноябрь 2025 - 11:08 Автор:

Admin

129

Юл инфраструктурасын яңарту программасы кысаларында федераль трассаларның 20 участогында гомуми озынлыгы 209 чакрым булган тузган өслек алыштырылды. Җәяүлеләр иминлегенә аерым игътибар бирелде – М7 трассасында 18 җир өсте кичүе төзелде, шулай ук Тоша елгасы аша күпер корылмалары һәм 786-нчы һәм 821-нче километрларда юлүткәргечләр ремонтланды.

Агымдагы елда Татарстанда гомуми озынлыгы 107 километрдан артык булган федераль автомобиль юлларын реконструкцияләү һәм төзү буенча масштаблы эшләр башкарылган. Бу хакта «Татар-информга» «Волго-Вятскуправтодор» башлыгы Илдар Минһаҗев хәбәр итте.

М7 автоюлының Яр Чаллыдан Башкортстан чигенә кадәрге участогын реконструкцияләү һәм Казан-Оренбург трассасында 11 км озынлыктагы Сокуры авылын урап узу төзелеше аеруча әһәмиятле объектларга керә. Шулай ук Казан – Оренбург юлының 43 нче километрыннан 53 нче километрына кадәрге участогында капиталь ремонт эшләре төгәлләнә.