Илья Еньков Ижауда йөзү фестивалендә «бронза» отты

4 февраль 2025 - 08:28 Автор:

Ильшат Вагизов

251

Ярышларда Россия Федерациясенең 35 шәһәреннән 498 спортчы катнашты.

Минзәлә шәһәренең «Юбилейный» спорт мәктәбендә тәрбияләнүче Илья Еньков (тренеры — А.Титова) «НацПлав» спорт фестивалендә катнашты. Ярышлар Удмуртиянең башкаласы Ижевск шәһәрендә узды.

Турнир нәтиҗәләре буенча Илья 2016 елда туган яшүсмерләр арасында 200 метрлы комплекслы йөзү дистанциясендә мактаулы 3 урынны яулады.

— Йөзү буенча тренер-укытучы А. А. Титованы һәм аның тәрбияләнүчесен яхшы нәтиҗәләр белән котлыйбыз! Спортта алга таба да уңышлар телибез! — дип хәбәр итә «Юбилейный» спорт мәктәбе администрациясе.