Казан (Идел буе) федераль университеты мәктәп укучылары өчен фәнни конкурс үткәрә

13 гыйнвар 2026 - 09:56 Автор:

Admin

121

Конкурс берничә этапта узачак

Казан (Идел буе) федераль университеты 12 гыйнвардан 31 мартка кадәр мәктәп укучылары өчен «Лобачевский. Прорыв» фәнни тикшеренүләр конкурсы үткәрәчәк. Анда 4-11 сыйныф укучылары катнаша алачак. Проект «Электроприбор» Тамбов заводы ярдәме белән тормышка ашырыла, дип хәбәр итә КФУ матбугат хезмәте.
Конкурс Н.И. Лобачевский исемендәге Бөтенроссия фәнни конференциянең дәвамы булып тора. Аның максаты — укучыларны фән белән кызыксындыру һәм аларга тикшеренү күнекмәләрен үстерергә ярдәм итү.
Конкурс берничә этапта узачак. Сайлап алу этабы 12 гыйнвардан 9 февральгә кадәр булачак — бу чорда гаризалар һәм конкурс эшләре кабул ителә. Йомгаклау этабы 27-29 мартка планлаштырылган: финалистлар үз проектларын Казанда КФУ мәйданчыгында тәкъдим итәчәк.