Казанда Һиндстанның Генераль консулы үз миссиясен башлады

19 ноябрь 2025 - 15:49 Автор:

Admin

143

Россия һәм Һиндстан мөнәсәбәтләре актив рәвештә үсә

Казанда Һиндстанның Генераль Консуллыгы эшли башлады. Әлеге хакта Татарстан Республикасы Рәисенең матбугат хезмәте җитәкчесе Лилия Галимова үзенең Telegram-каналында хәбәр итте.

«Тантана бүген Мәскәүдә Һиндстанның тышкы эшләр министры катнашында узды. Гитика ханым (генконсул) бүгеннән Казанда үз миссиясен башлый», — дип яза Галимова.

Бер ай элек Казанда «TIME: Россия-Индия» бизнес-форумы узды, анда Россиянең 35 субъектыннан һәм Һиндстанның 22 административ бүленешеннән 3 500 кеше теркәлгән иде.