Минзәләдә страйкбол клубы проекты гамәлгә ашырылачак

Яңа уку елыннан Минзәлә шәһәренең Балалар иҗат йорты базасында хәйрия фонды ярдәмендә һәм ТР Страйкбол федерациясе белән хезмәттәшлектә «Рубеж Первых» страйкбол клубы грант проектын гамәлгә ашыру башлана. 

— Грант акчаларына җиһазлар сатып алдык инде. Шулай ук хәзерге вакытта 18+ яшьтәге страйкбол командасына һәм 14-18 яшьтәге рекрутлар командасына (һәр яшь төркеменә 10 кеше) җыю бара,  — дип хәбәр итте «Минзәлә-информ» белән әңгәмәдә проект авторы, өстәмә белем бирү педагогы Азат Мирзасалихов.