Сагынабыз, Фәнзаман абый

"Якын дустым, укытучым, халыкның яраткан сатирик язучысы Фәнзаман Батталның безне ятим иткәненә 4 августта 2022 елда 7 ел була.

Без аны зурлап искә алабыз. Кызы Гөлнур, тормыш иптәше Рөстәм һәм мин, Минзәләгә бардык, каберенә дога кылып, сәдакалар биреп кайттык. Минзәлә халкына, җитәкчеләренә зур рәхмәт. Горурланалар, ә кунакларны каршылап озаталар.

Корбан ГАЛЕЕВ, Түбән Кама"

Әлеге хатны тулысынча "Минзәлә" газетасының алдагы саннарында бастырып чыгачакбыз. Минзәлә район газетасында да күп еллар эшләде ул Фәнзаман Баттал. Казанга киткәч тә, Минзәлә белән араларын өзмәде, газета коллективы белән иҗади дуслыгын дәвам итте. Газета укучыларының иң яраткан авторларының берсе иде ул Фәнзаман Баттал.