Татарстанда 17 сыйныф укучыларын ОРВИ авырулары аркасында дистанцион укытуга күчерделәр

2 декабрь 2025 - 15:08 Автор:

Дифиза Нуриева

148

Бу хакта Татарстан буенча Роспотребнадзор башлыгы Марина Патяшина Хөкүмәт Йортында узган брифингта хәбәр итте.

Аның сүзләренчә, мондый формада укуга җибәрелгән сыйныфларның күбесе Казанда — 11 сыйныф, аннан соң Яр Чаллы шәһәре — ике сыйныф, тагын дүртесе республиканың Алексеевск районында.

Патяшина билгеләп үткәнчә, уку елы башыннан (01.09 дан 01.12 гә кадәр) авыру билгеләре аркасында мәктәпләргә 9 124 укучыны кертмәгәннәр-аларны фильтрда тикшергәннән соң өйләренә кайтарып җибәргәннәр.