Чөгендер ташу тәмамлану алдында

25 ноябрь 2020 - 14:14 Автор:

Дильфас Галиев

“Мензелинские зори” агрофирмасы игенчеләре татлы тамырны ташып бетерү алдында.

(Минзәлә, Дилфас Галиев, "Минзәлә-информ") Биредә шикәр чөгендере 4873 гектарда үстерелгән иде. Барысы 228 мең тоннадан артык татлы тамыр җыеп алынды. Шуның кагатлардан 200 мең тоннага якынын Зәй шикәр заводына ташып бетерделәр. Һәр гектардан 400 центнердан артык татлы тамыр чыкты. Шикәрнең чыгышы 15,7 процент.