Минзәлә районында яшәүче тыл ветераны 95 яшьлек юбилеен билгеләп үтте

Шушы көннәрдә Минзәлә районының хөрмәтле кешесе, тыл хезмәтчәне һәм хезмәт ветераны Нәсимә Сабирҗан кызы Мөхәммәдиева үзенең 95 яшьлек юбилеен билгеләп үтте. 

Ул күп еллар туган авылында Ленин исемендәге колхозда төрле эшләрдә эшли, шуннан лаеклы ялга чыга. 

Аның күпьеллык хезмәте күп санлы бүләкләр: Рәхмәт хатлары, Мактау грамоталары һәм медальләр белән билгеләп үтелә. Нәсимә Сабирҗан кызы ире белән өч бала үстергән, ә бүген ул үзен алты оныкның һәм җиде оныкчыкның яраткан әбисе дип горурланып әйтә ала. 

Нәсимә Сабирҗан кызын әлеге истәлекле көне белән котлыйбыз һәм аңа нык сәламәтлек, якыннарының җылысын һәм кайгыртуын телибез!