Минзәләдә РФ Дәүләт Думасына сайлаулар алдыннан күзәтүчеләр өчен укулар узды

9 сентябрь 2026 - 11:27 Автор:

Ильшат Вагизов

Теориядән тыш, катнашучылар өчен практик өлеш тә булды

Минзәлә район мәдәният сараенда 2026 елның 18-20 сентябрендә IX чакырылыш РФ Дәүләт Думасына сайлауларда эшләргә тиешле күзәтүчеләрне укыту булды.

Укуларны Россия юристлары ассоциациясе әгъзалары «Идарә көрәше федерациясе» Татарстан төбәк бүлеге рәисе Дамир Зыятдинов һәм Татарстан Республикасы Иҗтимагый палатасының хокук мәсьәләләре һәм җәмәгать контроле комиссиясе әгъзасы Алексей Киселев алып барды.

— Укыту кысаларында без күзәтүчеләргә аларның нинди вәкаләтләргә ия булулары, аларга нәрсә эшләргә яравы һәм нәрсә ярамавы турында мәгълүмат бирәбез, сайлау участогында эшләү барышында аларга кирәк булачак закон аспектларын әйтәбез. Эшләренең психологик моментларын, тавыш бирү барышында нинди дә булса хокук бозуларны кисәтү барышында гамәлгә ашырырга мөмкин булган гамәлләрнең алгоритмнарын, конкрет реакция чараларын карыйбыз. Безнең күзәтүчеләр Татарстан Республикасы Иҗтимагый палатасыннан билгеләнә, җәмәгать күзәтүчеләре статусына ия, нинди дә булса сәяси партияләр, конкрет кандидатлар белән бәйләнештә түгел, — дип билгеләп үтте «Минзәлә-информ» журналисты белән әңгәмәдә Алексей Киселев.