Гөлек авылындагы башня эчендәге торба тузган

(Илдус Шаһиев, Минзәлә-информ)

Урыс авылы җирлеге башлыгы Ильмира Аксюкова белән әңгәмә барышында менә нәрсәләр белдек.
Гөлек авылындагы бу су башнясы үткән гасырның 80 елларында ук куелган. Су көче әйбәт, янса, насосны вакытында алыштырып торганнар. Төрле проблемалар булып,насосны туктатып яңадан җибәргәндә суның пычрануына игътибар иткәннәр. Фотода шул мизгелдә төшерелгән, бугай. Бераз эшләгәч, су чистара, билгеле. Әмма насос утырган су торбасы (обсадная) ярылмады микән, дигән шик туган.

Хәзер авыл җирлеге башлыгы бу проблеманы хәл итүнең төрле вариантларын уйлый башлаган.

Яңа скважина борауларга туры килергә мөмкин.