97 яшьлек Бөек Ватан сугышы ветераны Пелагея Казакова да сайлауда үз тавышын бирде

(Дифиза Нуриева, “Минзәлә-информ”)
Илебез, республика һәм районыбыз тормышында зур урын алып торган Пелагея Васильевна өлкән яшьтә булу сәбәпле сайлау участогына барып йөри алмый. Шул сәбәпле, 1974 нче сайлау участогы комиссиясе әгъзалары ул яшәгән адрес буенча өенә бардылар. Тумышы белән Минзәлә районы Мәлкән авылыннан булган ветеран бүгенге көндә улы тәрбиясендә Минзәләдә яши (фотода улы белән бергә). 1942 нче елның декабрендә үз теләге белән сугышка китеп, Җиңүне Венгриядә каршылаган ветеранның бүгенге теләге – тыныч тормыш, аяз күк йөзе.