Гөлшат Зәйнашева үз иҗатында Минзәләгә кояш гомере теләде

Быел фестиваль Тукай исемендәге премия лауреаты шагыйрә, драматург Гөлшат Зәйнашеваның 90 яшьлек юбилеена багышлана.
Фестиваль официаль төстә һәм ике этапта үтәчәк. Фестивальне үткәрү положениесендә район  башкарма комитетының мәдәният, мәгариф бүлекләре оештыручылар итеп билгеләнде. Элекке елларда ул театрда, педагогия колледжында үткәрелсә дә, төп үткәрүче булып Югары Тәкермән җирлегегенә тора иде.
Беренче этапта районның мәгариф бүлеге шигырь, кул эшләнмәләре, рәсемнәр конкурсы өчен, мәдәният бүлеге җырлар һәм икенче этап сценария өчен җавап бирә.  Беренче этапта Минзәләнең уку йортлары студентлары да катнаша, конкурс педагогия көллиятендә 21 сентябрьдә үтәчәк. Фестиваль 28 сентябрьдә театр бинасында үткәреләчәк. Анда Сарман, Мөслим, Тукай, Әгерҗе, Менделеевск районнарыннан да катнашучылар көтелә.