Комаровлар Минзәлә мәктәбенә компьютер сыйныфы бүләк иттеләр

(Динара Шияпова, "Мензеля-информ")

Кунаклар капиталь ремонттан соң мәктәп бинасын карап чыктылар. Фоат Комаров һәм аның улы, эшмәкәр Рамил Комаровның спонсорлык ярдәме белән алынган заманча компьютер кабинетын ачу һәркем өчен иң күңелле мизгел булды. Мәктәп укучылары дәрәҗәле кунакларга мәктәпне капиталь ремонтлау һәм кирәкле җиһазлар алуда ярдәм итүләре өчен рәхмәт сүзләрен җиткерделәр. Мәктәп директоры Ольга Ильина кунакларга укучылар әзерләгән истәлекле бүләкләр тапшырды.