Минзәлә районы башлыгы Айдар Салахов Пасха бәйрәме белән котлый

Изге Пасха! Бу көн тормышның шатлыгын һәм яңарышны символлаштыра, яхшылыкка һәм гаделлеккә ышанычны ныгыта. Христос Якты Якшәмбесе белән бәйле тантана православие динендәге райондашларыбызның тарихи тамырларын һәм тирән традицияләрен аңларга, аларны сакларга ярдәм итә.

Барлык православие динендәгеләр өчен бу бәйрәм рухи чистарынуга омтылуны, мөмкин кадәр күбрәк игелекле эшләр башкаруны, якыннарны кайгырту һәм игътибар белән әйләндереп алуны символлаштыра.

Дин тотучыларның барысына да ныклы сәламәтлек, бәхет, иминлек, тынычлык һәм игелек телим!
Бәйрәм якты һәм шатлыклы булсын, гармония һәм җан тынычлыгы китерсен.

Гаиләләрегездә һәрвакыт тынычлык, игелек, татулык, мәхәббәт һәм яхшылыкка ышаныч хөкем сөрсен!

Хөрмәт белән, район башлыгы Айдар Салахов