Минзәлә районы мәдәният тормышында зур эз калдырган Лиза Әхмәтгалиева вафат

Заманында Минзәлә районы мәдәният тормышында зур роль уйнаган Лиза Әхмәтгалиева озак авырудан соң вафат булды.

Өлкән буын вәкилләре аны театрда, мәдәният сараенда эшләве буенча яхшы хәтерлиләр. Районыбызның данлыклы ветераннар хорын оештыруда да ул зур роль уйнады.

Шулай ук Лиза Әхмәтгалиева – талантлы каләм остасы иде. Минзәләдә яшәгән чагында аның шигырьләре район газетасында чыгып барды. Ул – ике шигъри җыентык авторы да. Аның берсе Минзәләдә чыкса, икенчесе Уфада басылды.