Минзәлә районында коронавирустан балаларга вакцина ясый башладылар

(Дифиза Нуриева, “Минзәлә-информ”)

Яшүсмерләр өчен ясалган “Гам-Ковид-Вак –М”вакцинасы «Гам-Ковид-Вак» («Спутник V») нигезендә ясалган, ул шулай ук ике компонеттан тора. Ләкин анда вирус кисәкчекләре азрак күләмдә.

Ирина Строкина, балалар поликлиникасы өлкән шәфкать туташы:

–Минзәлә районында 12-17 яшьлек үсмерләргә ковидка каршы вакцина ясау башланды. Барысы 20 доза вакцина кайтты. Кичә 13 балага прививка ясалды. Бүген тагын 7 балага ясалырга тиеш. Балаларны алдан язылу буенча кабул итәбез. Вакцинация ата-аналарның язма ризалыгы буенча ясала, шулай ук анкета тутырыла, педиатр сәламәтлекләрен тикшерә. Кичә прививка ясаткан балалар үзләрен яхшы хис итә.