Минзәлә районында Кыш Бабай килүе турында видеоролик төшергәннәр

(Минзәлә, Илшат Вагыйзов, “Минзәлә-информ”) Минзәлә районының Иске Иркәнәш мәдәният йортында Кыш бабайның килүе турында видеоролик төшерделәр.

Төп рольдә – мәдәният йортының сәнгать җитәкчесе Вәсилә Мөҗипова.

- Әле бу безнең беренче ролигыбыз. Яңа елга таба дәвамын төшерәчәкбез, - ди ул.

Видеороликның сюжеты – Кыш бабайның боланнар тагылган чаналар белән Иркәнәш җирлегенә килеп, аның урман-посадкалары буенча йөрүе һәм басу юлы аша авылга килеп җитүе. Дәвамында исә ул авылның бизәлгән урамнары, шулай ук клуб һәм фермасы буенча әйләнеп узар, дип көтелә.