Минзәлә районында тыл ветеранын юбилее белән котладылар

(Минзәлә, Илшат Вагыйзов, “Минзәлә-информ”)

Минзәлә районы Аю авылында Фая Габбас кызы Миншинаны 90 яшьлек юбилее белән котладылар.

Айрат Галиев, Аю авыл җирлеге башлыгы:

- Фая Габбас кызы –җирлегебез өчен тырыш хезмәт кйган шәхес. Ул 42 ел буе фермада төрле эштә эшләгән. Ире Нәис белән 6 бала үстерә. Хәзерге вакытта аның 9 оныгы, 10 оныкчыгы бар.

Юбилярны котлап, Айрат Галиев аңа РФ Президенты Владимир Путинның котлау хатын, район башлыгы Айдар Салахов һәм авыл җирлеге исеменнән бүләкләр тапшырды.