Парашют-атлетика буенча Россия чемпионатында катнашучылар Минзәлә бассейнында ярыштылар

Җиңүчеләр арасында - Түбән Новгород һәм Свердловск өлкәләренең берләштерелгән җыелма командасы өчен чыгыш ясаучы Татарстан кызы.

(Минзәлә, Илшат Вагыйзов, «Минзәлә-информ») Минзәләдә узучы парашют-атлетика буенча Россия чемпионатында катнашучылар өчен беренче ярыш төре 100 метрга йөзү булды. Спортчылар үз көчләре белән «Юбилейный» спорт мәктәбе бассейнында көч сынаштылар.

Ир-атлар арасында җиңү урыннарын Владислав Мурашкин (Түбән Новгород өлкәсе), Сергей Кузин (Түбән Новгород өлкәсе), Арсений Рыков (Пермь крае) бүлеште. Кызлар арасында-Анастасия Савина (Чаллы кызы, Түбән Новгородта укый), Софья Салихова (Пермь крае), Александра Дулова (Свердловск өлкәсе).