Раиса Димухаметованың намуслы хезмәте республика дәрәҗәсендә билгеләп үтелде

Илшат Вагыйзов, “Минзәлә-информ”

“Заиковский” хуҗалыгының баш бухгалтеры Раиса Аксимовна Димухаметова Татарстан авыл хуҗалыгы һәм азык-төлек министрлыгы Рәхмәт хатына лаек булды.

Әлеге кадерле бүләкне аңа зурлап, бөтен коллектив каршында хуҗалык җитәкчесе Радик Фәттахов тантаналы шартларда тапшырды.

Радик Фәттахов, “Заиковский” хуҗалыгы җитәкчесе:

- Раиса Аксимовна – озак еллар буе хуҗалыгыбызда намуслы хезмәт куючы, тәҗрибәле коллегабыз. Әле шушы көннәрдә генә ул үзенең 50 яшьлек юбилеен да билгеләп үтте. Бөтен коллективыбыз исеменнән аны шушы гомер бәйрәме белән дә, дәрәҗәле бүләккә ия булуы белән дә котлыйбыз.