Тауасты Байлар уңганнары Шәфкатьлелек йортында тәрбияләнүче өлкәннәргә бүләк ясаячаклар

Мөслимә  Гайниева, Тауасты Байлар авылы «Нур» халык театры режиссеры:

— Акция кысаларында Минзәләдәге Шәфкатьлелек йорты өлкәннәре өчен (һәрберсе өчен) йон оекбашлар бәйләргә җыенабыз. Махсус программа әзерләп, күчтәнәчләр алып, картлар йортында тәрбияләнүче абый-апаларыбызның күңелләрен җылытып, моңлы җырларыбызга буләкләребезне дә кушып, рухи азык бүләк итәргә уйлыйбыз. Шулай ук авылыбызда гомер итүче ярдәмгә мохтаҗ абый-апаларның да хәлләрен белеп, ярдәм итү күздә тотыла.

безнең өстәмә

Тауасты Байлар авылының уңган мәдәният хезмәткәрләре «Яхшылык өчен» акциясен 28 ноябрь көнне, махсус хәрби операциядәге һәм госпитальдәге яралы егетләребезгә чәкчәкләр пешереп, башлап җибәрделәр. 6 декабрь көнне «Изгелек кыл» марафонда чәкчәк пешереп катнаштылар.