Урыс авыл җирлегендә күмәк көч белән өмә үткәрделәр

Илшат Вагыйзов, “Минзәлә-информ”

Минзәлә районы Урыс авыл җирлегендә ныклап салкыннар башлану алдыннан көзге өмә үткәрелде.  Өмәдә катнашучылар Урыс авылында һәм Гөлеккә бара торган юл буйларында чисталык урнаштырдылар.

Ильмира Аксюкова, Урыс авыл җирлеге башлыгы:

- Әлеге өмәдә җирлегенең  бюджет сферасы хезмәткәрләре бик тырышып эшләделәр.  Эш белән мәшгуль булуга һәм вакыт җитмәүгә карамастан  авыл тормышында актив катнашканнары өчен рәхмәт. Шулай ук мәктәп укучылары мәктәп территориясен чистарттылар, көзге яфрак һәм ботакларны җыйдылар.