Якташыбыз район газетасына яздырды

(Минзәлә, Илдус Шаһиев, "Минзәлә-информ") Күптән түгел Минзәләдә булып киткән якташыбыз Рөстәм Ямалиев педагогия көллиятендә очрашу вакытында Муса Җәлил музее белән якыннан танышты. Төрле темаларга кагылган очрашуда декада вакытында инвалидларны район газетасына яздырырга ярдәм вәгъдә итте.

Редакция алдагы елларда да райондагы җәмәгать оешмаларына (ветераннар, начар күрүчеләр, инвалидлар) подписка белән хәленнән килгәнчә ярдәм итте. Рөстәм әфәнде ярдәме белән 2021 елга район газетасын тагын күбрәк аз керемлеләр алдырачак.

Педкөллият җитәкчелеге исә, коллективның җәмәгать эшчәнлегендә актив катнашкан ветераннарны район газетасына почта аша яздырачак.

Исегезгә төшерәбез, 13 декабрьгә кадәр газетага 615 сумнан язылырга мөмкин!