Гүзәлия Исламова — «Юллар озын, юллар төрле ..»

** Юллар озын, юллар төрле ...**

Юллар төрле, була аның
Тарлары һәм киңнәре.
Шул юлларны узар өчен
Тик чыдасын иңнәрең.

Юллар төрле, юллар озын,
Барасы да, барасы.
Очрап тора юлларыңда,
Я, агы, я, карасы.

Юллар озын , юллар ерак
Әллә кайларга илтә.
Шул юлларны үткән чакта
Очырый күпме киртә?...

Юллар озын, сикәлтәле,
Егыласың, торасың.
Шул киртәләрне җиңәргә,
Күпме план корасың ...

Тик узган гомер юлыннан,
Әйләнеп кайтып булмый.
Узган юллар, узган еллар
Сиңа бары кул болгый.

Юллар озын, шундый озын,
Офыкларда югала.
Шул юлларда күпме хыял,
Ватыла да, уала...

Юллар төрле, юллар озын -
Ләкин кирәк үтәргә.
Нинди генә булса да ул
Түзәргә дә, түзәргә…

Гүзәлия Исламова.