Көзнең соңгы аенда өйләнешүчеләр аз булган 

(Флүрә Мусина, “Минзәлә-информ”) 
Быел көзнең соңгы аенда, ноябрьдә, районыбызда 3 пар гына өйләнешкән, узган елның шушы чорында 13 пар язылышкан булган. 
Анна Куприянова җитәкчелегендәге район ЗАГС бүлеге мәгълүматларына караганда, быел унбер айда 80 парның законлы никахлашуы теркәлгән. Узган елның шушы чорында 94 пар язылышкан булган. 
Аерылышучылар буенча мәгълүматлар түбәндәгечә: быел ноябрьдә 13 пар аерылышкан булса, узган ел 7 пар аерылышкан булган. Тулаем алсак, быел унбер айда 61 пар аерылышкан, узган ел күбрәк, 67 пар аерылышкан булган.